بهالحلقة الخاصة من Bonjour Beirut على شاشة RedTV، استقبلت الإعلامية مورغا حبّوشي ضيف مميّز… أنتوني أبو أنطون، صاحب شركة andmoreventures والرجل اللي صار يُعرَف بـ “صانع القرى الميلادية” بلبنان.

أنتوني هو العقل والقلب خلف Elf Town، أكبر Village ميلادية انعملت هالسنة، واللي كملت مسيرة قراها الناجحة بالسنين الماضية. حكينا معه عن الرؤية، عن التحديات، وعن كيف قدر يحوّل الفرح لمشروع بيكبر سنة بعد سنة رغم الظروف. وتناولنا كمان التحضيرات الضخمة لسنة 2026، مع روزنامة إفنتات رح تمتد على مدار السنة… مشاريع عم تتحضّر من هلّق لتبقى الفرح موجود وين ما كان.

ومن القلب… تطرقنا لمبادرة إنسانية مهمّة: تقديم دعوات مجانيّة لأطفال محتاجين ليجو يعيشوا فرحة العيد بـ Elf Town—لأن الفرح رسالة قبل ما يكون حدث. حلقة فيها طاقة، أمل، وشغف… تابعوها كاملة لتشوفوا كيف بينبنى الفرح بإصرار، حب، وإبداع لبناني أصيل.